சீரிய "ரமதான்" வாழ்த்து!

ஓரிறைத் தத்து வத்தின்
         உண்மையை உய்த்து ணர்ந்து,
காரிருள் கிழித்துத் தோன்றும் 
      ககனவெண் பிறையைப் போன்று,
ஆரினும் அமைதி காக்கும்
        அறவழித் தூயோ ருக்(கு)எம்
சீரிய "ரமதான்" வாழ்த்து!
         'தீன்'தரும் பெருநாள் வாழ்த்து!..

செல்லப் பேத்திக்கு... பிறந்தநாள் வாழ்த்து!

செல்லப் பேத்திக்கு... 
சிரிக்கும் ராசாத்திக்கு... 
நல்ல மகளுக்கு..
நாளைய புகழுக்கு...

பத்தாம் அகவைக்குப்
படியெடுத்து வைப்பவட்கு...
முத்தான "மரியா"க்கு...
முற்றன்பும் உரியாட்கு...

பிறந்தநாள் வாழ்த்துக்கள்!..

அன்புடன்,
தாத்தா, மற்றும் பாட்டி.

பாட்டரசன் பிறந்தநாள் வாழ்த்து

பாட்டரசன் என்னும் பழகுதமிழ்ச் சான்றோற்(கு)இன்(று)
ஏட்டினில்யான் வாழ்த்தொன்(று) எழுதிவைத்தேன் - நாட்டிலுள்ளோர்
போற்றுகவி நாளும் புனைவோன் பிறந்ததினம்
ஏற்ற முறமலர்ந்த(து) இன்று!..

மரபுக் கவிபுனைந்து, மண்மகிழத் தந்து,
தரம்படைதத பாட்டில் தவழ்ந்(து),இங்(கு) - உரம்வாய்ந்த
யாப்பின் அரும்பயனை யாண்டும் எடுத்துரைக்கும்
பாப்புலவன் பாட்டரசன் பார்!..

எங்கள் உடன்பிறப்பே! ஏரார் கவிப்பிறப்பே!
சங்கத் தமிழின் சரிப்பிறப்பே! - உங்கள்
பிறந்ததினம் பாவின் பெருமைதினம்: உள்ளம்
திறந்துதினம் நல்குக,பாத் தேன்!..

அன்புடன்,
தொ. சூசைமிக்கேல்.

பிறந்தநாள் வாழ்த்து!..

தூரிகை யேந்தி நம்மைச்
        சுகம்பெற வைக்கும் தோழர் :
"ஆரிவர்?" என்றே கண்கள் 
         அகன்றிட வைக்கும் சீனு:
பாரிடைத் தான்பி றந்த
       பரவச விழாக்கொண் டாடும்
சீரிய நன்னாள் இன்று..
          செந்தமிழ் வாழ்த்துச் சொல்வேன்!..

அன்புடன்,
தொ. சூசைமிக்கேல்.

பிறந்தநாள் வாழ்த்துகள்

செல்வமாம் எங்கள் பேரன், 
        "திருச்சுடர்" என்னும் பேரன்.. 
பல்வகைச் சிறப்பி னோடு
        பன்னிரண்டாம் வயது கண்டான்..
கல்வியும் கலைகள் யாவும்
        கடவுளின் கருணை யாலே
நல்விதம் அவனைச் சேர
        நற்றமிழ் வாழ்த்துச் சொல்வோம்!!..


அன்புடன்,
தாத்தா மற்றும் பாட்டி..

வாழ்த்து !

நன்கு புன்னகைக்கும் இந்த 
            நான்கு புன்னகைக்கும் எனறன் 
பொங்கு தமிழ்ப்பா வொன்றால்
            பொன் மலர் தூவுகின்றேன்.. 
எங்கணும் எஞ்ஞான்றும் உம் 
         இன்முகம் மறப்பேன் அல்லன்..
மங்கல மணநாள் வாழ்த்து
        மனம் உவந்தே சொல்கின்றேன்!..

பிறந்தநாள் வாழ்த்து

பள்ளம் துறையூர்க்கண் பண்டே புகழ்படைத்த 
வெள்ளைப்பிள் ளைக்குடும்ப வீட்டினிலே - நல்ல 
பெயரோடு வாழ்ந்த பெருமகனார் பிள்ளைக்(கு)
உயர்வாழ்த்துச் சொல்வேன் உவந்து!.. 

HAPPY BIRTHDAY dear Justin Glasion...

வாழ்த்துக்கள்